|
4. juli opna UNESCO utstillinga "Journeys Through Our Fragile Heritage", ei fotoutstilling om immateriell kulturarv utanfor UNESCO sitt hovudkvarter i Paris.
Fotoutstillinga er eit samarbeid mellom UNESCO, Wikimedia Sverige og Wikimedia Italia og vil framheva kor viktig det er å ta vare på kulturarv gjennom fotografi, slik at me kan halda fram med å ta vare på vår kulturelle identitet og byggja vår felles framtid. UNESCO, Wikimedia Sverige og Wikimedia Italia trur at gjennom å verdsetja bilete og gjera informasjonen tilgjengeleg for publikum vil minska risikoen for tap av kulturarv og hjelpa folk til å vera stolte over det kulturelle mangfaldet.
På https://meta.wikimedia.org/wiki/Connected_Open_Heritage/Physical_Photo_Exhibition#Norway:_Oselvar finst meir info om teksten som følgjer med biletet.
Oselvarbiletet er knipsa på Bjørnafjorden utanfor Solstrand i Os i 2010 og viser far og to søner på rotur ein fin vinterdag. Øyvind Sunnfjord og Jonas ror medan Ludvik kosar seg i bakronga. Båten er bygt i 2001 ved Oselvarverkstaden av Hallgeir Forstrønen Bjørnevik.
I tillegg til Paris skal utstillinga visast i Sverige og Italia, og muligens i Spania og Canada òg.
Les meir info om heile utstillinga på https://meta.wikimedia.org/wiki/Connected_Open_Heritage/Physical_Photo_Exhibition#Title_page
Kjell Magnus var den som skreiv nominasjonsframlegget som førte til at bygging og bruk av Oselvaren no er å finna på UNESCO si kulturarvsliste over immateriell kulturarv. Les meir om dette på denne linken.
|
